Вядома з 16 ст. як вёска Беліца ў Рэчыцкім павеце Мінскага ваяводства Вялікага Княства Літоўскага. У Літоўскай метрыцы пазначана ў 1558 г. як цэнтр воласці. У 18 ст. вёска ў Гомельскім старостве Рэчы Паспалітай, уладанне Чартарыйскіх. З 1772 г. у складзе Расійскай імперыі. У 1875 г. – сяло. У 1878–1914 гг. – прыватнае ўладанне Солтан-Перасветаў. З 1926 г. – цэнтр сельсавета Уваравіцкага раёна Гомельскай акругі. З 1938 г. – у Гомельскай вобласці, з 1962 г. – у Гомельскім раёне. З 2007 г. – ва Урыцкім сельсавеце.
    Знаходзіцца ва Урыцкім сельсавеце Гомельскага раёна Гомельскай вобласці.