Вядомы з 18 ст. Пасля 1-га падзелу Рэчы Паспалітай у складзе Расійскай імперыі, у Старабыхаўскім павеце. У 1777 г. згадваецца як частка буйнога феадальнага ўладання ў Старабыхаўскай акрузе. У канцы 18 ст. маёнтак – уладанне Д. А. Талстога. У 1909 г. сяло – валасны цэнтр у Быхаўскім павеце. З красавіка 1919 г. – у Быхаўскім павеце Гомельскай губерні РСФСР, з лютага 1923 г. – у Магілёўскім павеце. Са жніўня 1924 г. – у Быхаўскім раёне Магілёўскай акругі (да 1930 г.). З лютага 1938 г. у Магілёўскай вобласці. Са студзеня 1939 г. – цэнтр сельсавета Быхаўскага раёна. З 27.08.2010 г. – аграгарадок.
    Цэнтр Грудзінаўскага сельсавета ў Быхаўскім раёне Магілёўскай вобласці.