Паводле пісьмовых крыніц вядомы з 1520 г. Пасля 1557 г. – вёска ў Пінскім павеце Трокскага ваяводства Вялікага Княства Літоўскага. З 1795 г. – у складзе Расійскай імперыі, з 1801 г. – у Кобрынскім павеце Гродзенскай губерні, згадваецца ў дакументах 1833 г. як фальварак. На 1866 г. – вёска ў Дружылавіцкай воласці. У 1905 г. – у Мотальскай воласці. З 1921 г. – у складзе Польшчы. На 1924 г. – у Мотальскай гміне Драгічынскага павета Палескага ваяводства. З 1939 г. – у БССР. На 1940 г. вёска – цэнтр Тышкавіцкага сельсавета Іванаўскага раёна Пінскай вобласці. Са студзеня 1954 г. – у Брэсцкай вобласці. Тышкавіцкі сельсавет скасаваны, у сакавіку 1959 г. тэрыторыя далучана да Моладаўскага сельсавета. У 1962–1965 гг. – у Драгічынскім раёне. З 27.07.2010 – аграгарадок.
    Знаходзіцца ў Мотальскім сельсавеце Іванаўскага раёна Брэсцкай вобласці, на рацэ Ясельда.