Славянская дзяржава ў 1918–2003 гг.; да 1991 г. на тэрыторыі сучасных Сербіі, Чарнагорыі, Харватыі, Босніі і Герцагавіны, Македоніі і Славеніі. Сталіца – горад Белград. З 1945 г. Федэратыўная Народная Рэспубліка Югаславія (ФНРЮ). У 1963–1991 гг. Сацыялістычная Федэратыўная Рэспубліка Югаславія (СФРЮ). У 1992–2003 гг. – Саюзная Рэспубліка Югаславія (СРЮ). Югаславія канчаткова спыніла існаванне з выхадам Чарнагорыі з Дзяржаўнага Саюза Сербіі і Чарнагорыі ў 2006 г.
    Знаходзілася на паўднёвым усходзе Еўропы, большай часткай на Балканскім паўвостраве, на паўднёвым захадзе абмывалася Адрыятычным морам.