Паводле пісьмовых крыніц вядомы з 15 ст. у Берасцейскім старостве Трокскага ваяводства Вялікага Княства Літоўскага. Пасля 3-га падзелу Рэчы Паспалітай (1795 г.) – у складзе Расійскай імперыі, у Слонімскай, з 1797 г. – у Літоўскай, з 1801 г. – у Гродзенскай губернях. У 1870 г. вёска – цэнтр сельскай грамады. Паводле Рыжскага мірнага дагавора 1921 г. – у складзе Польшчы, у Турноўскай гміне Брэсцкага павета Палескага ваяводства. З 1939 г. – у складзе БССР.
    Знаходзіцца ў Чарнаўчыцкім сельсавеце Брэсцкага раёна Брэсцкай вобласці.