У 1563 г. – уладанне Кабакі ў Пружанскім павеце Кобрынскай эканоміі, у Дабучынскай воласці. У канцы 16 ст. – дзяржаўная ўласнасць у Берасцейскім павеце Брэсцкага ваяводства. У 1716 г. у складзе Блудзенскага староства. З 1795 г. – у Расійскай імперыі. У 1856 г. – у Пружанскім павеце Гродзенскай губерні. У 1864 г. – вёска ў Малецкай воласці. З 1921 г. – у складзе Польшчы, у 1924 г. у Малецкай гміне Пружанскага павета Палескага ваяводства. З 1939 г. – у БССР, з 1940 г. – цэнтр Кабакоўскага сельсавета Бярозаўскага раёна Брэсцкай вобласці. У 1964 г. вёска далучана да Блудзенскага сельсавета, які ў жніўні 1964 г. перайменаваны ў Першамайскі. З 17.01.2011 г. – аграгарадок.
    Знаходзіцца ў Першамайскім сельсавеце Бярозаўскага раёна Брэсцкай вобласці.