Згадваецца ў 1136 г. пад назвай Крэчут. У 12–13 стст. – у Смаленскім, з 1 пал. 14 ст. – у Мсціслаўскім княствах, з 2 пал. 14 ст. – у Вялікім Княстве Літоўскім. З канца 15 ст. – цэнтр Крычаўскай воласці. З сярэдзіны 16 ст. – у Мсціслаўскім ваяводстве. У 1653 г. – атрымаў магдэбургскае права, з 17 ст. – цэнтр Крычаўскага староства, уладанне Радзівілаў. З 1772 г. – у Расійскай імперыі, мястэчка ў Чэрыкаўскім павеце Магілёўскай губерні. З 1897 г. – цэнтр Крычаўскай воласці. З 1919 г. – у Гомельскай губерні РСФСР, з 1924 г. – у БССР, цэнтр Крычаўскага раёна Калінінскай, з 1927 г. – Магілёўскай акруг, з 1938 г. – у Магілёўскай вобласці, з 1931 г. – горад.
    Цэнтр Крычаўскага раёна Магілёўскай вобласці. Знаходзіцца на р. Сож.