Вядомы з 1524 г. як сяло Дарогі Глускай воласці ў Вялікім Княстве Літоўскім. С 1565 г. – у Навагрудскім ваяводстве. З канца 16 ст. – мястэчка на Слуцка-Бабруйскам тракце. З сярэдзіны 17 ст. – цэнтр Дарожскай воласці Слуцкага княства. У канцы 17 ст. атрымала назву Старыя Дарогі, з 1791 г. – у Случарэцкім павеце Навагрудскага ваяводства. З 1793 г. – у Расійскай імперыі, вёска. З 1861 г. – у Навадарожскай воласці Бабруйскага павета Мінскай губерні. З 1924 г. – цэнтр Старадарожскага раёна Слуцкай (да 1927 г.) і Бабруйскай (да 1930 г.) акруг, з 1938 г. – горад. З 1944 г. – цэнтр раёна Бабруйскай, з 1954 г. – Мінскай абласцей. З 1962 г. – у Слуцкім раёне. З 1966 г. – цэнтр раёна Мінскай вобласці.
    Цэнтр Старадарожскага раёна Мінскай вобласці.