У пісьмовых крыніцах вядома пад назвай Сялец (Сяльцы). У 2-й пал. 15 ст. – гаспадарскае сяло ў Пінскім княстве. У 18 ст. – ваколіца ў Пінскім павеце. Пасля 2-га падзелу Рэчы Паспалітай (1793 г.) – у складзе Расійскай імперыі. У 1860-я гг. – вёска ў Лемяшэвіцкай воласці Пінскага павета Мінскай губерні. У 1921–1939 гг. – у складзе Польшчы, вёска і фальварак у Лемяшэвіцкай гміне Пінскага павета Палескага ваяводства. З 1939 г. – у БССР. Са снежня 1939 г. – у Пінскім павеце Пінскай вобласці, са студзеня 1940 г. – у Пінскім раёне. З кастрычніка 1940 г. – у Лапацінскім сельсавеце. З 1954 г. – у Брэсцкай вобласці.
    Знаходзіцца ў Лапацінскім сельсавеце Пінскага раёна Брэсцкай вобласці.