Вядомы з 17 ст. як сяло ў Гродзенскім павеце Вялікага Княства Літоўскага. З 1795 г. у складзе Расійскай імперыі, у Гродзенскім павеце Слонімскай, з 1797 г. – Літоўскай, з 1801 г. – Гродзенскай губерняў. У 1890 г. вёска ў Крынкаўскай воласці. З 1919 г. – у БССР. З 1921 г. у складзе Польшчы, у Крынкаўскай гміне Гродзенскага павета Беластоцкага ваяводства. З 1939 г. – у БССР, з 1940 г. вёска, цэнтр Макаравецкага сельсавета Крынкаўскага раёна Беластоцкай вобласці. З 1944 г. у Бераставіцкім раёне Гродзенскай вобласці. У 1962–1966 гг. у Свіслацкім раёне. З 08.05.2009 г. – аграгарадок. Да 2014 г. цэнтр Макаравецкага сельсавета.
    Знаходзіцца ў Канюхоўскім сельсавеце Бераставіцкага раёна Гродзенскай вобласці.