• Навiны

24.10.2022

---

21.04.2022

Сябры, свята Вялікадня адзначым сёлета асаблівай падзеяй — прэзентацыяй інтэрнэт-старонкі Калекцыі фальклорных запісаў Інстытута мастацтвазнаўства, этнаграфіі і фальклору імя Кандрата Крапівы НАН Беларусі. Фонды Калекцыі з узорамі жывога гучання і сканамі-копіямі рукапісных фальклорных матэрыялаў ад першых паваенных гадоў — вялікае багацце, магчымасць далучыцца да неацэннай духоўнай спадчыны беларусаў, якая складае падмурак нацыянальнай культуры, крыніцу натхнення, выхавання, разумення свету і самога сябе ў ім.

У Нацыянальнай акадэміі навук Беларусі падвялі вынікі Рэспубліканскага конкурсу творчых работ, прысвечанага Году народнага адзінства.

Конкурс, накіраваны на умацаванне кансалідацыі беларускага грамадства і нацыянальнага адзінства, фарміраванне пачуцця гонару за гераічнае мінулае, падтрымку таленавітых творчых людзей, папулярызацыю гісторыі і культуры Беларусі, праводзіцца ўпершыню і стаў яркай падзеяй адыходзячага 2021 года. Да ўдзелу ў ім прымаліся творчыя творы, напісаныя грамадзянамі Рэспублікі Беларусь індывідуальна або ў суаўтарстве, якія раней не прадстаўляліся на конкурсы і не публікаваліся.

На Конкурс было прадстаўлена больш за 1500 твораў розных жанраў: песні, вершы, апавяданні, эсэ, проза, літаратурныя нарысы, навуковыя даследаванні, творы выяўленчага і дэкаратыўна-прыкладнога мастацтва, фатаграфіі, відэаролікі, а таксама кароткаметражныя фільмы па арыгінальных сцэнарыях. З усёй колькасці прадстаўленых работ журы адабрала найлепшыя творы па 7 намінацыях.

Пераможцы ў намінацыях Конкурсу

«Песні нашага краю»: Кручкоў Валерый Міхайлавіч, Дзікун Вольга Аляксандраўна, Анікеева Аксана Рыгораўна, Статкевіч Вячаслаў Казіміравіч, Паўловіч Марыя Мікалаеўна, Карпук Уладзімір Усеваладавіч, Пахолка Міхаіл Сяргеевіч, Суднік Таццяна Ігараўна, Марчанка Валянціна Аляксандраўна, Высоцкая Алеся Васільеўна, Лысенка Наталля Мiхайлаўна, Рычкова Віталіна Яўгеньеўна, Афанасьева Аляксандра Алегаўна, Кутас Галіна Віктараўна, Малыгіна Дзіяна Дзмітрыеўна, Дударэвіч Іна Рыгораўна, Народны ансамбль народнай песні "Вяселле", Атчанашанка Ася Аляксандраўна, Рогалева Аляксандра Валер’еўна, Калоша Ганна Сяргееўна, Мяшэчак Любоў Аляксееўна.

«Вершы і апавяданні пра свой край»: Палын Анастасія Іванаўна, Тачыліна Альбіна Паўлаўна, Зузанава Людміла Аляксандраўна, Калеснік Кацярына Андрэеўна, Алімаў Амір Рафаілавіч, Бабучэнка Дар’я Паўлаўна, Бондар Савелій Раманавіч, Буданава Аліса Яўгеньеўна, Бялуга Дзмітрый Дзянісавіч, Васілеўскі Ягор Анатольевіч, Габава Крысціна Андрэеўна, Генселевіч Пётр Мечыслававіч, Грахоўская Ніна Васільеўна, Грынь Вольга Мікалаеўна, Губарэвіч Раман Андрэевіч, Івановіч Дар’я Аляксееўна, Канцэвіч Аляксандра Сяргееўна, Карпенка Канстанцін Дзмітрыевіч, Каспшак Інэса Аляксандраўна, Каўрыга Вольга Васільеўна, Краснеўскі Максім Валер’евіч, Куц Уладзімір Сямёнавіч, Ламоцька Ала Канстанцінаўна, Лапата Яўгенія Алегаўна, Ліпко Ягор Дзмітрыевіч, Ліштван Валянціна Вацлаваўна, Ломанава Валерыя Міхайлаўна, Маркава Ганна Уладзіміраўна, Мінько Кацярына Аляксандраўна, Міхалюк Марына Уладзіміраўна, Міхед Ульяна Сцяпанаўна, Немец Маргарыта Андрэеўна, Ніканчук Наталля Валянцінаўна, Радчанка Алена Раманаўна, Савіч Валерыя Аляксандраўна, Саламевіч Святлана Уладзіміраўна, Салдатава Яўгенія Сяргееўна, Сіліч Варвара Андрэеўна, Сляднёва Вікторыя Ігараўна, Томашаў Васіль Сяргеевіч, Турчын Лілія Мікалаеўна, Хацкевіч Аксана Яўгеньеўна, Хмель Аліна Анатольеўна, Хутко Карына Аляксандраўна, Церахава Анастасія Аляксандраўна, Цімашэнка Ксенія Русланаўна, Цішчанка Ганна Міхайлаўна, Цягушава Ганна Аляксандраўна, Чаркасава Аляксандра Васільеўна, Шалаеў Віталій Сцяпанавіч, Шнырко Дзмітрый Яўгеньевіч, Шынкарэнка Маргарыта Аляксандраўна.

«Краязнаўчымі сцежкамі»: Літвінава Ларыса Васільеўна, Кендыш Яўгенія Ігараўна, Мірошнікава Таццяна Уладзіміраўна, Хаванская Надзея Аляксееўна, Аўсіевіч Алена Дзмітрыеўна, Бобрык Ніна Уладзіміраўна, Брэшчанка Аляксандра Андрэеўна, Бязмен Наталля Васільеўна, Ваньковіч Ірына Станіславаўна, Жывушка Ульяна Віктараўна, Зубрыцкая Ганна Вадзімаўна, Лакісаў Мікіта Іванавіч, Марчанка Валянціна Аляксандраўна, Палын Ганна Уладзіміраўна, Раманава Вольга Анатольеўна, Ціхановіч Ангеліна Анатольеўна, Антропава Юлія Аляксееўна, Трафімава Галіна Уладзіміраўна, Хацько Ірына Рыгораўна, Кароль Лілія Станіславаўна, Марчук Святлана Іонаўна.

«Мова маёй зямлі (мясцовыя народныя гаворкі, геаграфічныя назвы, асабовыя імёны)»: Дударава Надзея Аляксандраўна, Лазіцкая Галіна Іосіфаўна, Бязносава Таццяна Мікалаеўна, Чыгрына Галіна Васільеўна, Серафімчык Паліна Аляксандраўна, Анацка Ксенія Мікалаеўна, Калодзіч Дар’я Паўлаўна, Каткавец Кірыл Віктаравіч, Васько Ксенія Аляксандраўна, Кудлаш Вікторыя Іванаўна, Аддзел бібліятэчнага маркетынгу (ДУК “Астравецкая раённая бібліятэка”), Хадасевіч Тамара Аркадзьеўна, Бабоўская Аксана Анатольеўна, Капыльская Кацярына Васільеўна, Сушко Дар’я Алегаўна, Шчэрба Вікторыя Андрэеўна, Шчаржэня Надзея Іванаўна, Леанчук Ксенія Аляксандраўна, Гардзей Максім Яўгенавіч, Тухто Аляксандра Дзмітрыеўна, Салтанава Тамара Сяргееўна, Зелянко Сяргей Віктаравіч, Маркава Ларыса Уладзіміраўна, Каткоўскіс Вольга Станіславаўна, Рэкун Вікторыя Валер’еўна, Бутурля Наталля Іосіфаўна, Гардзіёнак Ульяна Аляксандраўна, Зубрэй Лізавета Сяргееўна, Федаровіч Ксенія Мікалаеўна, Бралін Мікіта Канстанцінавіч, Іванашка Мілена Дзмітрыеўна, Іскрык Глеб Сяргеевіч, Жарнасек Анастасія Уладзіміраўна, Гарбузава Аліна Раманаўна, Несцерава Ксенія Сяргееўна, Максіменка Дзіяна Аляксандраўна, Лягеза Марыя Аляксандраўна, Шулепаў Раман Яўгенавіч, Літвінаў Ілля Аляксандравіч.

«Выяўленчае мастацтва»: Паўлоўская Аліна Ігараўна, Базыкін Юрый Аляксандравіч, Кепець Марына Ігараўна, Каласоўская Мілана Аляксандраўна, Іваніцкі Сяргей Георгіевіч, Шчэцька Мілана Аляксандраўна, Гамза Дар'я Аляксандраўна, Голубева Таццяна Уладзіміраўна, Назараў Сяргей Міхайлавіч, Канавалава Софія Уладзіславаўна, Юневiч Ганна Вiтальеўна, Сергіевіч Руфіна Віктараўна, Зыгмантовіч Юлія Сяргееўна, Чагарава Маргарыта Арцёмаўна, Лебядзевіч Ульяна Андрэеўна, Пячкоўская Караліна Іванаўна, Трухан Дар’я Яўгеньеўна, Цяслова Ірына Васільеўна, Навіцкая Ніна Пятроўна, Басава Любоў Фёдараўна, Паўлоўская Ларыса Яўгеньеўна, Муркіна Марыя Юр'еўна, Васільеў Павел Аляксеевіч, Цімашэнка Юлія Анатольеўна, Шухман Віталь Уладзіміравіч, Антаненка Маргарыта Сяргееўна, Шэвалдзіна Аляксандра Ігараўна, Канчаленка Вераніка Віктараўна, Кутас Эвеліна Паўлаўна, Варанкова Варвара Аляксандраўна, Атвагіна Марта Аляксееўна, Аўсіенка Кацярына Аляксандраўна, Вінаградава Аліна Аляксандраўна, Корх Паліна Яўгеньеўна, Крыцкая Вераніка Паўлаўна, Пятрова Варвара Дзянісаўна, Чырко Максім Дзянісавіч.

«Фота- і відэавідарысы»: Котаў Яўген Уладзіміравіч, Васільева Дар’я Сяргееўна, Кушнярова Ірына Аляксандраўна, Горскіна Ганна Аляксандраўна, Гузяева Дар’я Максімаўна, Лобава Арына Сяргееўна, Семіход Марыя Аляксандраўна, Канавалава Маргарыта Сяргееўна, Кажадуб Яўгеній Валер’евіч, Антоненка Маргарыта Сяргееўна, Солтан Андрэй Сяргеевіч, Гулін Юлія Аляксееўна, Зікрацкая Кацярына Сяргееўна, Дземядзюк Раман Віктаравіч, Шкута Анастасія Яўгеньеўна, Калько Таццяна Андрэеўна, Задунайская Іраіда Іванаўна, Мялешка Глеб Віктаравіч, Бякрэнь Юльяна Васільеўна, Царова Алеся Аляксандраўна, Цішкевіч Наталля Мікалаеўна, Багамазаў Ігар Міхайлавіч, Баравік Максім Дзмітрыевіч.

«Творы народных майстроў»: Чылінгаран Хачык Арташавіч, Аляксееў Андрэй Аляксандравіч, Бярозка Маргарыта Мікалаеўна, Буйноўская Яна Станіславаўна, Волкава Ганна Уладзіміраўна, Кавалевіч Ксенія Паўлаўна, Кутузава Галіна Міхайлаўна, Аўчыннікава Соф’я Аляксееўна, Петух Таццяна Мікалаеўна, Прыбіткова Анастасія Раманаўна, Цімохін Пётр Вячаслававіч, Шынкарова Таццяна Васільеўна.

ПАРАДАК РАБОТЫ
ІІ МІЖНАРОДНАГА ФОРУМУ ДАСЛЕДЧЫКАЎ БЕЛАРУСКАЙ КАЗКІ

27 МАЯ (чацвер)

Прэзідыум Нацыянальнай акадэміі навук Беларусі
(пр. Незалежнасці, 66 )
Зала 216 (2-і паверх)

09.00–09.30 Рэгістрацыя ўдзельнікаў форуму
Выставы  ілюстрацый  па  матывах  народных  казак  (Беларуская  дзяржаўная
акадэмія  мастацтваў),  кніжных  выданняў  з  фондаў  Цэнтральнай  навуковай
бібліятэкі імя Якуба Коласа НАН Беларусі
Музычнае суправаджэнне – запісы аўтэнтычнага фальклору з Архіва ІМЭФ НАН Беларусі
09.30–10.00 Адкрыццё форуму
10.00–13.00 Пленарнае пасяджэнне
13.00–14.00 Перапынак на абед
14.00–17.00 Пленарнае пасяджэнне
17.00–17.20  Прэзентацыя  выставы  «Псковские  сказки  детям»:  от  идеи  к
воплощению»

28 МАЯ (пятніца)

Цэнтр даследаванняў беларускай культуры, мовы і літаратуры
НАН Беларусі
(вул. Сурганава, 1, корп. 2)

Міжнародная навуковая канферэнцыя
«Народная казкавая проза ў еўрапейскай прасторы:
Архаічная традыцыя vs сучасная інтэрпрэтацыя»

09.00–09.30 Прэзентацыі збораў казак з фальклорных архіваў
09.30–13.00 Работа секцый
13.00–14.00 Перапынак на абед
Майстар-клас Наталлі Сухой «Казкі з паперы»
Прэзентацыя кніжных выданняў і дыска фальклорных запісаў
14.00–15.00 Падвядзенне вынікаў дзіцячага конкурсу апавядальнікаў
беларускай народнай казкі
Выступленні майстроў казкавага жанру
15.30–18.00 Адкрыты круглы стол

мерапрыемстваў, прысвечаных Міжнароднаму дню роднай мовы
і 160-годдзю акадэміка Яўхіма Карскага

Міжнародны дзень роднай мовы – штогадовае свята, заснаванае ў 2000 годзе рашэннем Генеральнай сесіі ЮНЕСКА. Галоўная мэта гэтага свята – захаванне моўнай і культурнай шматстайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.

з 9-га па 19-га лютага 2021 г.

Прэзентацыі дакументальнага фільма “Гаворкі Беларусі”, створанага па сцэнарыі В.А.Шклярыка, старшага навуковага супрацоўніка аддзела дыялекталогіі і лінгвагеаграфіі філіяла “Інстытут мовазнаўства імя Якуба Коласа” Цэнтра даследаванняў беларускай культуры, мовы і літаратуры НАН Беларусі, пры падтрымцы кампаній А1 і Onliner. Паказы стужкі запланаваны ва ўніверсітэтах Мазыра, Гомеля, Магілёва, Віцебска, Гродна і Брэста, у сталічных БДУ і БДПУ.
У фільме расказваецца пра дыялектныя згрупаванні гаворак беларускай мовы і іх адметныя рысы.

Інтэрв’ю дырэктара філіяла “Інстытут мовазнаўства імя Якуба Коласа ”Цэнтра даследаванняў беларускай культуры, мовы і літаратуры НАН Беларусі Капылова І.Л. з нагоды Міжнароднага дня роднай мовы (тэлеканалы АНТ, Першы нацыянальны канал, БТ-3, СТБ; Першы нацыянальны канал радыё, канал “Культура”; газета “Звязда”, “Літаратура і мастацтва”).

Выступленні супрацоўнікаў філіяла “Інстытут мовазнаўства імя Якуба Коласа”Цэнтра даследаванняў беларускай культуры, мовы і літаратуры НАН Беларусі ў рэспубліканскіх СМІ.

Публікацыя ў газеце “Навука” навукова-папулярнага артыкула “Акадэмічная мовазнаўчая навука – школе”.

Публікацыя ў газеце “Навука” навукова-папулярнага артыкула “Акадэмічная мовазнаўчая навука – вытворчасці”.

15 лютага 2021 г. (панядзелак)

16 лютага 2021 г. (аўторак)

17 лютага 2021 г. (серада)

18 лютага 2021 г. (чацвер)

19 лютага 2021 г. (пятніца)

22 лютага 2021 г. (панядзелак)

Нацыянальная акадэмія навук Беларусі, ДНУ «Цэнтр даследаванняў беларускай культуры, мовы і літаратуры НАН Беларусі», Мінскі гарадскі навукова-педагагічны цэнтр «Тайген» праводзяць 30-31 сакавіка 2017 г. Міжнародную навуковую канферэнцыю «V навуковыя чытанні, прысвечаныя Віктару Уладзіміравічу Мартынаву: да 40-годдзя публікацыі 1-й версіі Ўніверсальнага семантычнага кода (УСК)». Падрабязней.

---

 10.02.2017

---

---

Архіў 2016 года

13.10.2016

14–16 верасня 2016 года ў г. Рыга (Латвійска Рэспубліка) адбылася міжнародная навуковая канферэнцыя “Насустрач дыгітальнай фалькларыстыцы. Даследчыя перспектывы. Архіўныя практыкі. Пытанні этыкі”. Цэнтр даследаванняў беларускай культуры, мовы і літаратуры НАН Беларусі прадставілі супрацоўнікі аддзела фалькларыстыкі і культуры славянскіх народаў кандыдат філалагічных навук Яніна Грыневіч і Ірына Васільева з дакладам “Стварэнне дыгітальнага архіва беларускага фальклора”.

У час канферэнцыі разам з даследчыкамі з Расіі, Польшчы, Латвіі, Літвы, Эстоніі, Венгрыі, Румыніі, Фінляндыі, Германіі, Францыі, Ісландыі, Вялікабрытаніі, Ірландыі, ЗША, Канады, Нарвегіі, Швецыі, Панамы, Японіі былі абмеркаваны актуальныя пытанні лічбавага архівавання і апошніх падзей у фальклорных архівах у Еўропе і за яе межамі, а таксама праблемы і перспектывы навукова-даследчых тэм, звязаных з інтэрнэт-супольнасцямі, сацыяльнымі сеткамі, практыкамі краўдсорсінга ў сферы традыцыйнай культуры.

Канферэнцыя стала важным крокам у міжнародным абмеркаванні сітуацыі ў асобна ўзятых архівах, а таксама паказала неабходнасць больш цеснага супрацоўніцтва, якое будзе працягнута ў далейшым.

---

20.06.2016

11–19 мая 2016 года ў межах міжакадэмічнага супрацоўніцтва паміж Нацыянальнай акадэміяй навук Беларусі і Эстонскай акадэміяй навук адбылася сумесная беларуска-эстонская экспедыцыя па тэме “Народная батаніка ў прасторы і часе” ў Любанскі раён Мінскай вобласці. Кіравала экспедыцыяй навуковы супрацоўнік аддзела фалькларыстыкі, этнабатанік Рэната Сыўканд. З беларускага боку ўдзел у экспедыцыі ўзялі супрацоўнікі аддзела фалькларыстыкі і культуры славянскіх народаў І. Васільева, Я. Грыневіч, А. Паўлава, Ю. Пацюпа, І. Смірнова, а таксама прадстаўнікі аддзела народазнаўства Ю. Пракоф’ева і Я. Шаўчэнка, супрацоўнік Рэспубліканскай лабараторыі гісторыка-культурнай спадчыны А. Глушко, а таксама сябры РГА “Студэнцкае этнаграфічнае таварыства”. Эстонскі бок прадставілі галоўны рэдактар электроннага часопіса фальклору, загадчык аддзела фалькларыстыкі Эстонскага Літаратурнага Музея Марэ Кыйва, этнабатанік Райва Калле, аператар Маргус Кііс, асістэнты Лаўра Весік і Лагле Аім. Экспедыцыі папярэднічаў навукова-метадычны семінар, праведзены этнабатанікам Рэнатай Сыўканд у Цэнтры даследаванняў беларускай культуры, мовы і літаратуры НАН Беларусі.

У час экспедыцыі ўдзельнікі абследавалі вёскі Трубяціна, Пласток, Ямінск, Заельнае, Асавец, Плюсна, Зялёнкі, Касцяшы, Пеклічы, Чабусы, Трайчаны, Крываль, Рачэнь Любанскага раёна. Было апытана больш за 80 рэспандэнтаў і сабраны багатыя і разнастайныя звесткі па этнабатаніцы, народнай медыцыне і ветэрынарыі. Акрамя таго, былі запісаны творы і этнаграфічныя апісанні каляндарных (Каляды, Вялікдзень, Тройца, Купалле, Узвіжанне і інш.) і сямейных (радзіны, хрэсьбіны, вяселле, пахаванне) абрадаў, а таксама творы малых жанраў фальклору (прыказкі, прымаўкі, загадкі, былічкі).

15 мая ў в. Рачэнь Любанскага раёна адбыўся траўны фэст “Гардовіца”, у якасці арганізатара і вядучага выступіў  Сяргей Выскварка – спецыяліст па фальклоры і этнаграфіі Любанскага раённага цэнтра культуры, мастацкі кіраўнік Любанскага ўзорнага фальклорнага танцавальнага калектыва “Верабейкі”. У праграме фестываля – выставы зёлак Любаншчыны, страў і кандытарскіх вырабаў, выступы самадзейных калектываў і аповеды носьбітаў традыцыі пра выкарыстанне траў у сённяшнім вясковым жыцці. “Фэст, як і экспедыцыя ў цэлым сталі выдатнай ілюстрацыяй захаванасці і творчага развіцця народных традыцый у рэгіёне, – адзначыла ў час свайго выступлення на закрыцці фэсту кіраўнік беларуска-эстонскага супрацоўніцтва з боку НАН Беларусі загадчык аддзела фалькларыстыкі і культуры славянскіх народаў Т.Валодзіна. – Зёлкі і для вяскоўца, і для гараджаніна – дасюль і абавязковая частка побыту, і неад’емны атрыбут звычаёвасці, і яскравы паэтычны сімвал”.

Наперадзе фалькларыстыў і з Беларусі, і з Эстоніі чакаюць расшыфроўка матэрыялаў, абмеркаванні вынікаў, аналітычная праца над навуковымі артыкуламі, і новыя творчыя сустрэчы.

 

Я.І.Грыневіч, навуковы супрацоўнік аддзела фалькларыстыкі і

культуры славянскіх народаў, кандыдат філалагічных навук

---

26.04.2016

Нацыянальная акадэмія навук Беларусі, Дзяржаўная навуковая ўстанова “Цэнтр даследаванняў беларускай культуры, мовы і літаратуры НАН Беларусі”, Міністэрства культуры Рэспублікі Беларусь запрашаюць Вас на прыняць удзел у Першым Міжнародным навуковым кангрэсе беларускай культуры, які адбудзецца 5―6 мая 2016 года ў г. Мінск (Рэспубліка Беларусь). Удзельнікам кангрэса прадставіцца магчымасць садзейнічаць асэнсаванню і прапагандзе культуры Беларусі, распрацоўцы і ўдасканаленні сучаснай цэласнай культурнай стратэгіі, спрыяць росту палітычнай, эканамічнай і прававой культуры на розных узроўнях грамадскай сістэмы.
Праграма Кангрэса:

5 мая (чацвер)

Вялікая зала Прэзідыума Нацыянальнай акадэміі навук Беларусі
(пр-т. Незалежнасці, д. 66; 2-гі паверх)

9.00 – 10.00 Рэгістрацыя ўдзельнікаў.
Выстаўка “Выбраныя аб’екты рэстаўрацыі” (ТАА “Цэнтр па рэгенерацыі гісторыка-культурных ландшафтаў і тэрыторый”).
Выстаўка навуковых выданняў ДНУ “Цэнтр даследаванняў беларускай культуры, мовы і літаратуры” НАН Беларусі.
Выстаўка-продаж навуковых выданняў (магазін “Акадэмкніга”).
Выступленне фальклорнага ансамбля УА “Беларускі дзяржаўны ўніверсітэт культуры і мастацтваў”, дыпламанта міжнароднага фестывалю «Folk fest» у Славакіі, Міжнароднага фестывалю народнай музыкі ў Італіі (мастацкі кіраўнік К. С. Трамбіцкі).
10.00 – 11.00 Урачыстае адкрыццё Кангрэса. Прывітанні ў адрас удзельнікаў і гасцей Кангрэса.
11.00 – 13.00 Пленарнае пасяджэнне.
13.00 – 14.00 Перапынак на абед.
14.00 – 16.30 Пленарнае пасяджэнне.
17.00 – 19.00 Наведванне бібліятэкі і музеяў:
- Нацыянальная бібліятэка Беларусі (пр. Незалежнасці, д. 116);
- Нацыянальны мастацкі музей Рэспублікі Беларусь (вул. Леніна, д. 20);
- Нацыянальны гістарычны музей Рэспублікі Беларусь (вул. К. Маркса, д. 12);
- Беларускі дзяржаўны музей гісторыі Вялікай Айчыннай вайны (пр-т Пераможцаў, д. 8).

6 мая (пятніца)
У навуковых установах Нацыянальнай акадэміі навук Беларусі
Работа сесій па рэгламенце Круглага стала

9.00 – 13.00 Работа сесій.
11.00 – 11.20 Кава-паўза.
11.20 – 13.00 Работа сесій.
13.00 – 14.00 Перапынак на абед.
14.00 – 15.45 Работа сесій.
15.45 – 16.00 Кава-паўза.
16.00 – 17.00 Заключнае пасяджэнне. Падвядзенне вынікаў.
17.00 Завяршэнне работы Кангрэса. Ад’езд удзельнікаў. 

СМІ аб Кангрэсе:

Более 300 ученых приедут в Минск на Международный научный конгресс белорусской культуры // БЕЛТА. Новости Беларуси. Белорусское телеграфное агенство. - Минск, 25 апреля 2016 г. Подробнее.

---

1.03.2016

Праграма IV Міжнароднай навуковай канферэнцыі «НАВУКОВЫЯ ЧЫТАННІ, ПРЫСВЕЧАНЫЯ ВІКТАРУ УЛАДЗІМІРАВІЧУ МАРТЫНАВУ» (да 50-годдзя заснавання навуковай школы фармалізаванай семантыкі). Скачаць.

---

29.02.2016

10 сакавіка ў 15-00 у Цэнтральнай навуковай бібліятэцы імя Якуба Коласа НАН Беларусі адбудзецца прэзентацыя электроннага выдання “Канкарданс беларускай мовы ХІХ стагоддзя”. Канкарданс – унікальны лексікаграфічны даведнік, які пабачыў свет у выдавецтве “Беларуская навука” напрыканцы мінулага года. Аўтар праекта – навуковы супрацоўнік аддзела славянскага і тэарэтычнага мовазнаўства Інстытута мовазнаўства імя Якуба Коласа Н.М. Сянкевіч. Запрашаюцца ўсе жадаючыя. Падрабязнее.

---

22.02.2016

IV Міжнародная навуковая канферэнцыя «НАВУКОВЫЯ ЧЫТАННІ, ПРЫСВЕЧАНЫЯ ВІКТАРУ УЛАДЗІМІРАВІЧУ МАРТЫНАВУ» (да 50-годдзя заснавання навуковай школы фармалізаванай семантыкі), 2 сакавіка 2016 года (вул. Сурганава, 1 , корп. 2, к. 302). Інфармацыйны ліст канферэнцыі.

---

1.02.2016

Нацыянальная акадэмія навук Беларусі, Дзяржаўная навуковая ўстанова “Цэнтр даследаванняў беларускай культуры, мовы і літаратуры НАН Беларусі”, Міністэрства культуры Рэспублікі Беларусь запрашаюць Вас на прыняць удзел у Першым Міжнародным навуковым кангрэсе беларускай культуры, які адбудзецца 5―6 мая 2016 года ў г. Мінск (Рэспубліка Беларусь). Удзельнікам кангрэса прадставіцца магчымасць садзейнічаць асэнсаванню і прапагандзе культуры Беларусі, распрацоўцы і ўдасканаленні сучаснай цэласнай культурнай стратэгіі, спрыяць росту палітычнай, эканамічнай і прававой культуры на розных узроўнях грамадскай сістэмы. Інфармацыйны ліст Кангрэса.

---

24.01.2016

ДНУ Цэнтр даследаванняў беларускай культуры, мовы і літаратуры, філіял «Інстытут літаратуразнаўства імя Янкі Купалы» запрашае Вас прыняць удзел у міжнароднай навуковай канферэнцыі “БЕЛАРУСКАЯ ЛІТАРАТУРА Ў КУЛЬТУРНАЙ ПРАСТОРЫ СУЧАСНАГА ГРАМАДСТВА”    (да 120-годдзя з дня нараджэння народнага пісьменніка Беларусі КАНДРАТА КРАПІВЫ), якая адбудзецца 3-4 сакавіка 2016 года. Інфармацыйны ліст канферэнцыі.

---

15.01.2016

Паважаныя калегі!

Запрашаем Вас 21 студзеня 2016 г. у 10.00 прыняць удзел у працы Круглага стала, прысвечанага 75-годдзю з дня нараджэння народнага артыста СССР В.Г. Мулявіна ( 1941-2003 ) .

Месца правядзення : Прэзідыум Нацыянальнай акадэміі навук Беларусі (пр . Незалежнасці , 66 , каб. 216 , 2 паверх) .

Рэгістрацыя ўдзельнікаў - з 9.30 гадзін.

Аргкамітэт .

---

АРХІЎ 2015 года

14.11.2015

19 лістапада 2015 г. ў 10.00, у ДНУ "Цэнтр даследаванняў беларускай культуры, мовы і літаратуры Нацыянальнай акадэміі навук Беларусі" (г. Мінск, вул. Сурганава, д. 1, кв. 2) адкрыецца штогадовая двухдзённая навукова-практычная канферэнцыя "Традыцыі і сучасны стан культуры і мастацтваў".

Мэтай канферэнцыі з'яўляецца абмеркаванне ролі навуковых даследаванняў у галіне архітэктуры, выяўленчага і дэкаратыўна-прыкладнога мастацтва, тэатразнаўства, музыкі, кіно і экранных відаў мастацтваў у вырашэнні актуальных задач сучаснай культуры; абмеркаванне актуальных праблем вывучэння этнакультурных традыцый, фалькларыстыкі, антрапалогіі; пошук сістэмных падыходаў да вырашэння актуальных задач захавання нацыянальных культур і гісторыка-культурнай спадчыны ва ўмовах глабалізацыі.
Арганізатары канферэнцыі - ДНУ «Цэнтр даследаванняў беларускай культуры, мовы і літаратуры Нацыянальнай акадэміі навук Беларусі» (філіял «Інстытут мастацтвазнаўства, этнаграфіі і фальклору ім. К. Крапівы НАН Беларусі».
Да ўдзелу ў канферэнцыі запрошаны вядучыя спецыялісты ў галіне архітэктуры, выяўленчага і дэкаратыўна-прыкладнога мастацтва, тэатразнаўства, музыкі, кіно і экранных відаў мастацтваў, этналогіі, фалькларыстыкі, славістыкі, музеязнаўства з Беларусі і краін СНД - Расійскай Федэрацыі, Дагестана (РФ), Рэспубліка Карэлія (РФ), Кабардзіна-Балкарскай Рэспублікі (РФ), Рэспублікі Мардва (РФ), Украіны, Рэспублікі Малдовы, Рэспублікі Узбекістан, Рэспублікі Казахстан, а таксама з Рэспублікі Польшча. На канферэнцыі плануецца выступленне вядучых навукоўцаў з Інстытута этналогіі і антрапалогіі ім. Н. Міклуха-Маклая РАН (Масква), доктара мастацтвазнаўства Г.Р. Кансона з Расійскага дзяржаўнага сацыяльнага універсітэта, доктара мастацтвазнаўства О. В. Калугінай з Навукова-даследчага інстытута тэорыі і гісторыі выяўленчых мастацтваў Расійскай акадэміі мастацтваў, доктара гістарычных навук, дацэнта І. Е. Варанковай з ФДБАУ ВПА «Арлоўскі дзяржаўны інстытут эканомікі і гандлю», доктара культуралогіі, прафесара Н. Л. Пракопавай з ФДБУ вышэйшай прафесійнай адукацыі Кемераўскі дзяржаўны універсітэт культуры і мастацтваў, спецыялістаў з Прыкарпацкага нацыянальнага універсітэта ім. В. Стэфаніка (г. Івана-Франкоўск, Украіна) і іншых арганізацый. Плануецца ўдзел больш за 300 навукоўцаў.
Самастойнай часткай праграмы стане Майстар-клас па беларускіх народных танцах танцавальнага калектыву «Маладзічкі».
У ходзе правядзення канферэнцыі крама «Акадэмкніга» прадставіць навуковыя выданні, якія можна будзе купіць на кніжнай выставе-продажы. Таксама ў якасці суправаджальных мерапрыемстваў уключаны: выступ музычнага калектыву з Беларускага дзяржаўнага універсітэта культуры і мастацтваў, наведванне экспазіцыі Музея старажытнабеларускай культуры.
Запрашаем усіх жадаючых прыняць удзел у працы VІ Міжнароднай навукова-практычнай канферэнцыі «Традыцыі і сучасны стан культуры і мастацтваў".

---

3.11.2015

2-4 лістапада 2015 г. у Цэнтры даследаванняў беларускай культуры, мовы і літаратуры НАН Беларусі ў межах праграмы па міжакадэмічнаму абмену вучонымі паміж Нацыянальнай акадэміяй навук Беларусі і Эстонскай акадэміяй навук адбыўся навукова-практычны семінар, прысвечаны актуальным праблемам дыгіталізацыі фальклорных архіваў і індэксацыі навуковых выданняў, стварэння баз дадзеных і выкарыстання найноўшых ІТ-тэхналогій у сферы гуманітарных навук. Эстонскую Акадэмію навук прадставілі супрацоўнікі Эстонскага Літаратурнага Музея – галоўны рэдактар Электроннага часопіса фальклору, культурны антраполаг Марэ Кыйва і этнабатанік Рэната Сыўканд. З беларускага боку ўдзел у працы семінара прынялі супрацоўнікі аддзела фалькларыстыкі і культуры славянскіх народаў.

16-20 лістапада 2015 г. адбудзецца навуковы візіт дэлегацыі Цэнтра даследаванняў беларускай культуры, мовы і літаратуры НАН Беларусі ў складзе намесніка дырэктара па навуковай і інавацыйнай рабоце Цэнтра, доктара гістарычных навук С.П. Віцязя і навуковых супрацоўнікаў аддзела фалькларыстыкі і культуры славянскіх народаў кандыдата гістарычных навук Ю.І. Внуковіча, кандыдата філалагічных навук Я.І. Грыневіч, І.А. Васільевай, І.Ю.Смірновай. У час візіта будуць абмеркаваны пытанні ўкаранення сучасных ІТ-тэхналогій у галіне вывучэння, захавання і папулярызацыі нематэрыяльнай культурнай спадчыны.

---

15.03.2015
Міжнародная навуковая канферэнцыя «Беларуская мова ў ХХІ стагоддзі: асноўныя тэндэнцыі развіцця (да 80-годдзя акадэміка А. І. Падлужнага)»
Канферэнцыя адбудзецца 28–29 кастрычніка 2015 г.

16.01.2015
Рэспубліканская навукова-практычная канферэнцыя "Вечны рух жыцця і заканамернасці творчых пошукаў літаратуры"

Канферэнцыя прысвечана 90-годдзю з дня нараджэння народнага пісьменніка Беларусі акадэміка І.Я. Навуменкі, адбудзецца 26-27 лютага 2015 года

08.04.2013
Канферэнцыя "Традиции и современное состояние культуры и искусств"
25-26 апреля 2013 г. состоится III Международная научно-практическая конференция «Традиции и современное состояние культуры и искусств».
К участию в конференции приглашаются ученые и специалисты учреждений культуры, образования, науки.